Shri Krishna Ashtottar Nama Stotram | श्रीकृष्णाष्टोत्तरशतनामस्तोत्रम् | Shri Krishna Ashtottar Nama Stotram spoken by Shri Shesh | श्रीनारदपाञ्चरात्रे ज्ञानामृतसारे उमामहेश्वर संवादे धरणी शेष संवादे श्रीकृष्णाष्टोत्तरशतनामस्तोत्रम्| श्री नारद पांचरात्र में वर्णित श्रीकृष्णाष्टोत्तरशतनामस्तोत्रम् | श्री शेष द्वारा कथित श्री कृष्ण के 108 नाम | श्री शेष द्वारा कथित श्रीकृष्णाष्टोत्तरशतनामस्तोत्रम् | श्री कृष्ण अष्टोत्तर नाम स्तोत्रम | श्री कृष्ण अष्टोत्तर नाम स्तोत्र |Shri Krishna Ashtottar Nama Stotram | Shri Krishna Ashtottar Nama Stotra | भगवान श्री कृष्ण के १०८ नाम | 108 names of Lord Krishna | Krishna Ashtottar Nama Stotram | Krishna Ashtottar Nama Stotra | Shri Krishna Ashtottar Nama Stotram mentioned in Narad panchratra | ShriKrishnaashtottarnamastotram| श्री नारद पांचरात्र में वर्णित श्री शेष द्वारा कथित श्री कृष्ण के 108 नाम| श्री कृष्ण 108 नामावली | Shri Krishna 108 Namavali
Subscribe on Youtube: The Spiritual Talks
Follow on Pinterest: The Spiritual Talks
ॐ अस्य श्रीकृष्णाष्टोत्तरशतनाम्नः श्रीशेष ऋषिः अनुष्टुप्छन्दः
श्रीकृष्णो देवता श्रीकृष्णप्रीत्यर्थे श्रीकृष्णाष्टोत्तर शतनामस्तोत्रजपे विनियोगः ।
श्रीनारदपाञ्चरात्रे ज्ञानामृतसारे उमामहेश्वर संवादे धरणी शेष संवादे श्रीकृष्णाष्टोत्तरशतनामस्तोत्रम्
श्रीशेष उवाच ।
श्री कृष्णः कमलानाथो वासुदेवस्सनातनः ।
वसुदेवात्मजः पुण्यो लीलामानुषविग्रहः ॥ १ ॥
श्रीवत्सकौस्तुभधरो यशोदावत्सलो हरिः ।
चतुर्भुजात्तचक्रासिगदाशङ्खाम्बुजायुधः ॥ २ ॥
देवकीनन्दनः श्रीशो नन्दगोपप्रियात्मजः ।
यमुनावेगसंहारी बलभद्रप्रियानुजः ॥ ३ ॥
पूतनाजीवितहरः शकटासुरभञ्जनः ।
नन्दव्रजचरानन्दी सच्चिदानन्दविग्रहः ॥ ४ ॥
नवनीतविलिप्ताङ्गो नवनीतनटोऽनघः ।
नवनीतनवाहारी मुचुकुन्दप्रसादकः ॥ ५ ॥
षोडशस्त्रिसहस्रेशस्त्रिभङ्गी मधुराकृतिः ।
शुकवागमृताब्धीन्दुर्गोविन्दो योगिनां पतिः ॥ ६ ॥
वत्सपालनसञ्चारी धेनुकासुरभञ्जनः ।
तृणीकृततृणावर्तो यमलार्जुनभञ्जनः ॥ ७ ॥
उत्तालोत्तालभेत्ता च तमालश्यामलाकृतिः ।
गोपगोपीश्वरो योगी कोटिसूर्यसमप्रभः ॥ ८ ॥
इलापतिः परञ्ज्योतिर्यादवेन्द्रो यदूद्वहः ।
वनमाली पीतवासाः पारिजातापहारकः ॥ ९ ॥
गोवर्धनाचलोद्धर्ता गोपालः सर्वपालकः ।
अजो निरञ्जनः कामजनकः कञ्जलोचनः ॥ १० ॥
मधुहा मथुरानाथो द्वारकानायको बली ।
बृन्दावनान्तसञ्चारी तुलसीदामभूषणः ॥ ११ ॥
श्यमन्तकमणेर्हर्ता नरनारायणात्मकः ।
कुब्जाकृष्णाम्बरधरो मायी परमपूरुषः ॥ १२ ॥
मुष्टिकासुरचाणूरमल्लयुद्धविशारदः ।
संसारवैरी कंसारिर्मुरारिर्नरकान्तकः ॥ १३ ॥
अनादिब्रह्मचारी च कृष्णाव्यसनकर्शकः ।
शिशुपालशिरच्छेत्ता दुर्योधनकुलान्तकृत् ॥ १४ ॥
विदुराऽक्रूरवरदो विश्वरूपप्रदर्शकः ।
सत्यवाक्सत्यसङ्कल्पः सत्यभामारतो जयी ॥ १५ ॥
सुभद्रापूर्वजो विष्णुर्भीष्ममुक्तिप्रदायकः ।
जगद्गुरुर्जगन्नाथो वेणुनादविशारदः ॥ १६ ॥
वृषभासुरविध्वंसी बाणासुरबलान्तकृत् ।
युधिष्ठिरप्रतिष्ठाता बर्हिबर्हावतंसकः ॥ १७ ॥
पार्थसारथिरव्यक्तो गीतामृतमहोदधिः ।
कालीयफणिमाणिक्यरञ्जितश्रीपदाम्बुजः ॥ १८ ॥
दामोदरो यज्ञभोक्ता दानवेन्द्रविनाशनः ।
नारायणः परब्रह्म पन्नगाशनवाहनः ॥ १९ ॥
जलक्रीडासमासक्तगोपीवस्त्रापहारकः ।
पुण्यश्लोकस्तीर्थकरो वेदवेद्यो दयानिधिः ॥ २० ॥
सर्वतीर्थात्मकः सर्वग्रहरूपी परात्परः ।
इत्येवं कृष्णदेवस्य नाम्नामष्टोत्तरं शतम् ॥ २१ ॥
कृष्णेन कृष्णभक्तेन श्रुत्वा गीतामृतं पुरा ।
स्तोत्रम् कृष्णप्रियकरं कृतं तस्मान्मया पुरा ॥ २२ ॥
कृष्णनामामृतं नाम परमानन्ददायकम् ।
सर्वोपद्रवदुःखघ्नं परमायुष्यवर्धनम् ॥ २३ ॥
दानं श्रुतं तपस्तीर्थं यत्कृतं त्विह जन्मनि ।
पठतां शृण्वतां चैव कोटिकोटिगुणं भवेत् ॥ २४ ॥
पुत्रप्रदमपुत्राणामगतीनां गतिप्रदम् ।
धनावहं दरिद्राणां जयेच्छानां जयावहम् ॥ २५ ॥
शिशूनां गोकुलानां च पुष्टिदं पुष्टिवर्धनम् ।
वातग्रहज्वरादीनां शमनं शान्तिमुक्तिदम् ॥ २६ ॥
समस्तकामदं सद्यः कोटिजन्माघनाशनम् ।
अन्ते कृष्णस्मरणदं भवतापभयापहम् ॥ २७ ॥
कृष्णाय यादवेन्द्राय ज्ञानमुद्राय योगिने ।
नाथाय रुक्मिणीशाय नमो वेदान्तवेदिने ॥ २८ ॥
इमं मन्त्रं महादेवी जपन्नेव दिवानिशम् ।
सर्वग्रहानुग्रहभाक् सर्वप्रियतमो भवेत् ॥ २९ ॥
पुत्रपौत्रैः परिवृतः सर्वसिद्धिसमृद्धिमान् ।
निर्विश्य भोगानन्तेऽपि कृष्णसायुज्यमाप्नुनात् ॥ ३० ॥
इति श्रीनारदपाञ्चरात्रे ज्ञानामृतसारे उमामहेश्वर संवादे धरणी शेष संवादे श्रीकृष्णाष्टोत्तरशतनामस्तोत्रम् ।
Be a part of this Spiritual family by visiting more spiritual articles on:
For more divine and soulful mantras, bhajan and hymns:
Subscribe on Youtube: The Spiritual Talks
For Spiritual quotes , Divine images and wallpapers & Pinterest Stories:
Follow on Pinterest: The Spiritual Talks
For any query contact on:
E-mail id: thespiritualtalks01@gmail.com